Në këtë çerdhe deri më sot janë regjistruar 30 fëmijë, kurse ka vend edhe për regjistrimin e 40 fëmijëve tjerë, transmeton lajmi.net
Prezent në këtë ngjarje ishte vet kryetari i komunës, Shpend Ahmeti i cili kritikoi pushtetet e kaluara për mosinvestim në këtë aspekt.
“Në vitin 2014, Prishtinën e kemi gjetur me vetëm 7 çerdhe publike. Është bërë vlerësimi i nevojave në të gjitha lagjet dhe fshatrat e Komunës së Prishtinës, dhe kemi përgatitur planin aksional për hapjen e çerdheve të reja me çmim të përballueshëm. Për 3 vite qeverisje, janë hapur 5 çerdhe të reja. Tani po punohet për hapjen e çerdheve të reja në Kodrën e Trimave dhe në Tophane, me ç’rast numri i çerdheve publike në Prishtinë do të jetë dyfish më i madh sesa në fillim të mandatit”, u shpreh kryetari Ahmeti.
Ndërtimi i çerdheve, ishte një nga premtimet kryesore të Shpend Ahmetit gjatë fushatës për zgjedhjet lokale para 4 vitesh./Lajmi.net/
