Instituti i Shëndetit Publik të Kosovës nga dita e djeshme ka pezulluar vendimin për të vaksinuar edhe bebet 9 muajshe kundër fruthit. Të gjithë prindërit tani duhet të presin për t’u dhënë vaksinën MMR fëmijëve, kur ata të mbushin moshën 1 vjeçare, sipas protokollit të vaksinave në Republikën e Kosovës. Një vendim i tillë vjen pasi Instituti i Shëndetit Publik të Kosovës konstaton se nuk ka më epidemi të gripit dhe të fruthit.
Infermierja Xhevrije Restelica në Qendrën Mjekësore nr. 3 në Prishtinë, pohoi për portalin “Cicërima” se ka pasur fluks të prindërve që duan t’i vaksinojnë fëmijët kundër fruthit, nga frika e përhapjes së kësaj sëmundjeve muajt e fundit.
-” Janë shtuar kërkesat për vaksinimin e fëmijëve, por nga dje ka ardhur vendimi për të mos i vaksinuar edhe bebet 9 muajshe, po vetëm fëmijët mbi 1 vjeç.- tha infermierja Restelica.
Në Kosovë deri më sot janë shënuar dy viktima nga fruthi.
