Sipas medieve amerikane, Sajmir Aliahmeti, 22 vjeç, dyshohet se ka ndihmuar terroristë të ndryshëm brenda territorit amerikan.
Autoritetet amerikane e kishin vënë nën hetim prej 18 muajsh, ndërsa pas kontrolleve në banesë,a at gjetën flamurin e zi të ISIS-it.
Gjatë hetimeve, një agjent i fshehtë federal u takua me Aliahmetin në banesën e tij në Bronx ku edhe jetonte. Aty shqiptari i ka treguar një video të ISIS-it duke përfshirë një moment kur një prej luftëtarëve të ISIS-it i priste kokën një të burgosuri. Ai tha se videot “i mbante për ta motivuar ndërsa ai ishte duke ushtruar”.
Sipas raportit, Saimir Aliahmeti i njohur ndryshe edhe me emrin “Abdul Qaëii”, kishte tentuar të udhëtonte në Siri e të luftonte përkrah ISIS-it.
Sipas FBI-së, Aliahmeti kishte përdorur aplikacione të koduara për të komunikuar me persona të tjerë, ndërsa mësohet se ka blerë disa thika dhe pajisje të tjera luftarake.
Shqiptari ka edhe një vëlla tjetër i cili sipas medieve amerikane është arrestuar në Shqipëri në vitin 2015. Sipas shqiptarit, ai dhe vëllai i tij “kishin pasur plan” të udhëtonin nga Shqipëria në Raqqa, Siri, por vëllai i tij ishte arrestuar në Shqipëri në vitin 2015.
The post Shqiptari arrestohet nga FBI, bëhej gati për ISIS appeared first on Lajminet.
