Sulmuesi ferizajas, Shkumbin Salihu, i cili sezonin e kaluar mbrojti ngjyrat e Gjilanit, është rikthyer në Ferizaj. Lajmi është bërë i ditur nga faqja zyrtare e KF Ferizaj.
Mësohet se Salihu ka arritur marrëveshje për një periudhë prej 6 muajve, por me mundësi vazhdimi kontratës. Në Ferizaj në ndërkohë është kthyer edhe Kuka, i cili kishte dhënë kontribut të madh në stinorin vjeshtor të edicionit të kaluar, kur Ferizaj garonte në Ligën e Parë dhe shënoi rezultate brilante, duke kryesuar renditjen tabelare.
Kthimi i tij dhe i Shkumbin Salihut shihen si përforcime serioze të Ferizajt, klubit që ka nisur këto ditë përgatitjet për stinorin vjeshtor të Superligës së Kosobvës në futboll.
