Policia e Shkodrës, në vendin e quajtur Shtuf në afërsi të kufirit me Malin e Zi, ka kapur 14 persona të Huaj, Sirianë ( 7 meshkuj e 7 femra, ndër ta 5 të mitur).
Sipas policisë, nga intervistimi i tyre i bërë në bashkëpunim me Sektorin e Trafiqeve në DPV Shkodër, rezultoi se personat në fjalë kanë qenë emigrantë në Greqi dhe kanë hyrë ilegalisht në territorin shqiptar nëpërmjet Kufirit të Gjelbër në Kapshticë – Korçë.
Destinacioni i tyre ka qenë Gjermania , ku pasi të mbërrinin në destinacion do paguanin nga 1150 Euro dy personave që nuk ua dinin gjeneralitetet.
Nga Specialistët e Seksionit Kundër Trafiqeve të Paligjshme në Drejtorinë Vendore të Policisë Shkodër po vijon puna për identifikimin dhe kapjen e dy trafikantëve që kishin marrë përsipër kundrejt pagesës shtetasit Sirianë për ti dërguar në Gjermani.
.
