Deputeti i Lidhjes Demokratike të Kosovës, Adem Salihaj, ka thënë se nuk është koha për mbajtjen e zgjedhjeve dhe se Partia Demokratike e Kosovës gjithmonë e ka në plan që të nis fushatën parazgjedhore, siç tha ai, një vit përpara.
Salihaj ka thënë se “PDK po e nxehë situatën për zgjedhje të parakohshme”.
Ai duke folur për rikthimin e Listës Serbe në Institucionet e Kosovës, ka thënë se kryeministri Mustafa duhet t’i shkarkojë ata nga detyra.
Deputeti i LDK-së ka folur edhe për iniciativën e presidentit Thaçi për formimin e Ushtrisë së Kosovës.
Salihaj ka thënë se nuk ka logjikë të bëhet Ushtria pa amerikanët.
