Haes Shal-Kim filloi vitin e parë në RIT Kosovë (A.U.K) në shtator të vitit 2016. Me prejardhje nga Koreja e Jugut, ai ka jetuar në pesë vende dhe në më shumë se dhjetë qytete të ndryshme gjatë tërë jetës së tij.
I njohur nga miqtë e tij si Sunshine, ai u njoh me rajonin e Ballkanit për herë të parë kur ishte dhjetë vjeç, kur erdhi me prindërit e tij në Shqipëri. Ishte gjatë kësaj kohe që ai dëgjoi për Kosovën dhe pati rastin të vizitojë qytete të ndryshme të Kosovës.
Haes përfundoi shkollimin e mesëm në shkollën GDQ në Tiranë. Pas shkollimit të mesëm, ai shërbeu në Armatën e Republikës së Koresë për rreth dy vite.
Pas kësaj përvoje, i kaloi disa vite nëpër punë të ndryshme dhe në përpjekje për të vendosur për të ardhmen e tij.
Më 2016, mori vendimin për t’i filluar studimet universitare dhe kështu u regjistrua në RIT Kosovë (A.U.K).
Haes ka shumë miq shqiptarë dhe koreanë të cilët aktualisht jetojnë në Kosovë dhe ishte pikërisht sugjerimi i tyre që e ndihmoi atë ta zgjedhë RIT Kosovë (A.U.K) dhe të studiojë për Ekonomi dhe Politika Publike.
Ai është shumë i lumtur me vendimin e tij sepse deri më tani ka pasur një përvojë të shkëlqyeshme. Ai flet me entuziazëm mbi përshtypjet e tij deri më tani.
Më së shumti i ka lënë mbresë “shkëlqimi i studentëve dhe profesorëve” – siç e quan ai.
Më e rëndësishmja është se ai është shumë i lumtur me mundësinë për të luajtur basketboll në kampus pas ligjëratave.
Haes-it i pëlqen jeta në Prishtinë, të cilin qytet tani e konsideron si shtëpi.
Gjëja që më së shumti i pëlqen në Prishtinë është se mund të ecë pothuajse kudo pa nevojë për transport publik apo privat.
Megjithatë ai theksoi se i pëlqen edhe qyteti i Prizrenit sepse konsideron që është historikisht i pasur dhe vend i përshtatshëm për hiking dhe ecje të gjata.
Komuniteti gjithnjë më i madh ndërkombëtar në kampusin e RIT Kosovë™ (A.U.K) është shtëpi e shumë individëve me prapavija dhe përvoja të pasura jetësore.
RIT Kosovë™ (A.U.K) ka marrë lëvdata nga të gjithë miqtë dhe të diplomuarit ndërkombëtarë për mbajtjen e premtimit të sigurimit të një kampusi të larmishëm përplot festivitetdhe pa diskriminim dhe ndarje të çfarëdo lloji.
Për momentin, në RIT Kosovë™ (A.U.K) ndjekin studimet student nga 18 shtete të ndryshme të botës.
