Klan Kosova ju sjell rrëfimet e prindërve që kanë fëmijët e zhdukur tash e 17 vjet pas luftës së Kosovës.
Ferdane Qerkezi nga Gjakova mbeti e vetme, pasi që forcat serbe në mars të 99-ës i’a morën burrin dhe katër djemtë.
Që nga ajo kohë, për këtë grua jeta ishte e vështirë por ajo thotë se asnjëherë nuk i heq nga mendja djemtë e burrin.
Qerkezi tha se eshtrat e dy djemve i gjeti, ndërsa pret edhe për tre anëtarët e tjerë të zhdukur.
Tani ajo ka vendosur që shtëpinë e saj ta bëjë muze derisa në të i ka të ekspozuara gjërat e familjarëve të saj.
E gjendur në shtëpi e vetmuar, thotë se gjithnjë mendon se mos po i vijnë djemtë e burri.
Fatin e njëjtë me Qerkezin, e ka edhe Ajshe Shehu nga Krusha e vogël.
Edhe për nënën Ajshe, dhimbja është e madhe e cila shpeshherë beson se ata mund t’i kthehen të gjallë.
Por, realitetin e dinë, ani pse e ka rëndë për ta pranuar.
[youtube https://www.youtube.com/watch?v=meGHaLj-b_Q?feature=oembed]
