Automobilistët e Kosovës nesër e fillojnë kampionatin e ri, megarën e disiplinës rrethore, e cila do të zhvillohet në Gjakovë, ku garuesit do të nisin sfidat e reja.
Në një komunikatë për media, bëhet e ditur se ata janë të motivuarpasi që për herë të parë, këtë vit do të garojnë si anëtarë me të drejta të plota të FIA-s.
Federata e Sportit të Kosovës, ashtu si edhe vetë garuesit kanë bërë përgatitjen për një kampionat të rregullt dhe atraktiv.
“Përparim Dushi, Premtor Taraku, Gentian Kulla, Liridon Kalenderi, por edhe garuesit tjerë kanë bërë investime të reja në makinat e tyre, prandaj është më se e qartë se kampionati i sivjetmë do të karakterizohet me konkurrencë edhe më të madhe se ai paraprak”, thuhet më tej në komunikatë.
Garuesit e kësaj gare, do të marrin pjesë edhe në tri gara ndërkombëtare, në Kotor, Ilirska Bistricë dhe Buzet.
Gara e nesërme në Gjakovë do të fillojë në orën13:00, ndërsa paraqita e garuesve nis që nga ora 7:30 minuta.
