Prokuroria e Panamasë, dje në mbrëmje ka bastisur zyrat e firmës ligjore Mossack Fonseca në kërkim të dëshmive për aktivitete të paligjshme, thanë autoritetet në një deklaratë.
Firma ligjore me bazë në Panama është në qendër të skandalit “Panama Papers”, dhe dyshohet se kjo firmë ka ndihmuar elitën botërore në themelimin e kompanive në det të hapur si metodë për shpëlarjen e parave dhe evazion fiskal.
Policia kombëtare ka deklaruar më parë se ishte në kërkim të dokumentacionit që do të dëshmonte për veprimtari të paligjshme të firmës, raporton Reuters.
Trupat e policisë dhe makinat e patrullës, nën komandën e prokurorit Javier Carvallo, u mblodhën rreth ndërtesës së kompanisë dje pasdite dhe mblodhën një sasi të madhe dokumentesh të cilat do të hetohen në detaje.
