Lideri i AAK-së, Ramush Haradinaj ka theksuar se partia e tij ka një rritje shumë të madhe. Ai duke folur për ikjet e fundit nga AAK të disa prej deputetëve të saj, në emisionin Zona B në Klan Kosova, ka theksuar se ata me vete nuk kanë marrë vota.
“Ne sipas sondazheve kemi një rritje të konsiderueshme. Krahasuar sondazhin e parafundit me këtë të fundit kemi një rritje prej 5 për qind”, ka thënë ai, raporton Gazeta Blic.
Haradinaj ndër të tjera ka thënë se kanë pasur mundësi që të marrin deputetë të pavarur dhe të partive tjera opozitare, por këtë ka shtuar ai, nuk kanë dashur ta bëjnë.
“Donika ka ikur në mënyrë të keqe. Ajo ka mundur të vinte në Kryesi dhe të thoshte se rrugët tona janë të ndara”, tha ai. . Gazeta Blic
