Rama është pritur nga Gjeneral Bradley A. Becker, Komandant i Përgjithshëm i Ushtrisë Amerikane së Distriktit Ushtarak të Uashingtonit.
“Jam thellësisht i prekur nga këto homazhe dhe solemniteti i jashtëzakonshëm i një ceremonie të tillë. Sigurisht jam krenar që si kryeministër i Shqipërisë me jepet mundësia që përmes kësaj pjese të vizitës sonë zyrtare në Uashington të dëshmojmë respektin më të thellë për heronjtë e këtij vendi të madh dhe njëkohësisht, përmes kësaj dëshmie të rikonfirmojmë miqësinë, partneritetin dhe sigurisht, gatishmërinë tonë për të qenë në krah të SHBA-ve në çdo sfidë të përbashkët, si anëtarë të NATO-s dhe si partnerë strategjikë”, ka thënë Rama pas homazheve, në një prononcim për mediat.
Kryeministri Rama ishte i shoqëruar në këtë ceremoni nga ministri i Jashtëm, Ditmir Bushati, dhe ministri i Brendshëm, Saimir Tahiri.
The post Rama nderon heronjtë amerikanë appeared first on Lajminet.
