Sindikata e Pavarur , përmes një proteste, sot në Ferizaj ka kërkuar kthimin e 95 punëtorëve në vendet e punës të cilit ishin larguar më parë nga menaxhmenti i KEDS-it.
“Kjo është një protestë për kundërshtimin e vendimit të Bordit për largimin e 95 punëtorëve në gjithë Kosovën.Të gjithë këta punētorë janë me kontrata me afat të pacaktuar. Ne konsiderojmë se largimi është i paligjshëm dhe i njëanshëm dhe nuk e ka respektuar dialogun social” tha Hajriz Shabani kryetar i sindikatës së KEDS-it në Ferizaj
“Ne si sindikatë fuqishëm e kemi kundërshtuar këtë të padrejtë që u është bërë punëtorëve dhe kërkojmë kthimin e tyre në vendet e punës. Kemi njoftuar menaxhmentin dhe të gjitha institucionet relevante shtetërore se nëse nuk kthehen këta punëtorë ne do ti shfrytëzojmë të gjitha mundësitë ligjore për organizim sindikal duke mbajtur protesta dhe nuk do të ndalemi deri te greva gjenerale. Por gjithësesi duke i dhënë hapësir edhe dialogut” tha Shabani
Bëhet e ditur se protesta është e organizuar në të gjitha distriktet e Kosovës para drejtorive të tyre.
