Kryeprokurori i Prokurorisë së Prizrenit, Sylë Hoxha ka deklaruar se ka pranuar fjalë jo të hijshme nga Sahit Bytyçi, polici hetues i krimeve ekonomike, derisa prokuroria ishte duke përgatitur dosjen e një aktakuze.
Kryeprokurori Hoxha, thotë të ketë lajmëruar rastin në inspektoratin e Policisë së Kosovës më 8 korrik, njofton Klan Kosova.
Për shkak të praktikës së mos-deklarimit të policëve, Klan Kosova e ka kontaktuar Fadil Krasniqin, shefin e policit të akuzuar për shkelje, por ai nuk ka dashur të komentoj për rastin, pasiqë me të tashmë janë duke u marrë instanca më të larta.
