Sipas të gjitha gjasave, gjatë ditës së sotme duhet të ngritet akuzë për pronarët e marketeve ”Carrefour”, të cilët kanë kryer evazion tatimor, transmeton Telegrafi Maqedoni.
Akuzat duhet të ngrihen për një person fizik dhe një person juridik, ndërkaq drejtori Aleksandar Tërgapevski, në bisedë telefonike për 24Vest, ka thënë se detaje shtesë do të jepen ditën e nesërme, kurse hetimet për këtë rast vazhdojnë.
Procedura parahetimore nisi disa muaj më herët, disa ditë pas mbylljes së dy supermarketeve në Shkup dhe Tetovë.
