Ajri i ndotur e ka vështirësuar jetën e qytetarëve në Prishtinë. Jo vetëm komunikacioni dhe ajri me cilësisë tejet të dobët përbën problem për banorët e kryeqytetit kosovar.
Vendimi për të bllokuar disa rrugë të Prishtinës po detyron qytetarët që të gjejnë alternativa për të kryer nevojat familjare. Një ide të bukur e ka gjetur kameramani i njohur kosovar, Jeton Sopa.
Pasi që rrugët deri tek çerdhja e dy djemve binjakë të tij, Malit e Lisit nuk është e lejuar për qarkullim, Sopa ka funksionalizuar biçikletën e tij me një “rimorkio” bartëse për të marrë nga çerdhja dy djemët e tij.
Veprimi i tij “në mbrojtje të ambientit” e ka tërhequr vëmendjen e kalimtarëve në kryeqytet./Indeksonline/
