30,05,2024

Policia në Prizren me plan operativ ndaj lypësve

Must Read

femijet-lypsare

Ditët e fundit është vërejtur prania më e madhe e lëmoshëkërkuesve nëpër rrugët e Prizrenit, e posaçërisht në qendër të qytetit.

Largimi i lëmoshëkërkuesve të shumtë nga rrugët e qytetit të Prizrenit në prag të sezonës turitike, është një dukuri e cila ka vënë para një sfidë të madhe në radhë të parë policinë.

Drejtuesit e policisë, sërish paralajmërojnë plan operativ për largimin e tyre nga rrugët e Prizrenit. Aksionet për largimin e lëmoshëkërkuesve janë ndërmarrë disa herë nga policia, por pas deportimit në kufirin ndërshqiptar pasi që numri më i madh i tyre është nga Shqipëria, ata janë kthyer pa asnjë problem “në vendin e tyre të punës” në “Shatërvan”, ku ata janë të koncentruar më së shumti dhe me me mjaft “perfeksion” ata ushtrojnë profesionin e tyre të majmë.

Drejtori i policisë rajonale në Prizren, Nexhmi Krasniqi, tha se për këtë çështje është duke u diskutuar edhe me autoritetet e shtetit shqiptar, që kjo dukuri të minimizohet në prag të sezonës turistike kur Prizreni vizitohet në numër të madh nga turistë të huaj.

Krasniqi thotë se kërkimi i lëmoshës në rrugë dirigjohet nga grupe kriminale, për të cilat jemi në dijeni.

“Gjatë tre muajve të fundit janë deportuar për në Republikën e Shqipërisë 38 lëmoshëkërkues, por për shkak të mungesës së dokumentacionit personal rreth identitetit të tyre, po na shkaktohen shumë telashe për largimin e tyre përmes rrugëve ligjore”, tha kryepolici i Prizreni.

“Së shpejti pas hartimit të një plani operativ, numrin e lëmoshëkërkuesve nga rrugët e Prizrenit do të zvogëlojmë dukshëm”, u zotua drejtori Krasniqi.

Ndryshe, para pak kohësh edhe kryetari i komunës së Prizrenit, Ramadan Muja, ka apeluar tek organet kompetente angazhime konkrete në largimin e lëmoshëkërkuesve nga rrugët e Prizrenit, të cilët dita ditës vetëm sa po shtohen, sikurse edhe numri i vizitorëve që po i’a mësyjnë Prizrenit. /TV Prizreni/

- Advertisement -spot_img
Të fundit

Arrestohet një person në Ferizaj, i dyshuar se ka kryer rrëmbim të një personi në Fushë Kosovë

Me datë 25.05.2024 rreth orës 09:35 policia rajonale e Ferizajt ka pranuar një informatë me telefon nga një femër...

More Articles Like This

- Advertisement -spot_img