Policia e Kosovës, konkretisht Divizioni i Komunikacionit Rrugor, në përkrahje nga Departamenti Koordinues i Këshillit për Siguri Rrugore – Ministria e Infrastrukturës dhe Transportit, ka lansuar fushatën vetëdijesuese “TË GJITHË JEMI KËMBËSORË”.
Në kuadër të këtij aktiviteti edhe në Ferizaj, është bërë shpërndarja e fletushkave që kanë për qëllim sensibilizimin e pjesëmarrësve në trafik, sidomos këmbësorëve, të cilët janë kategoria më e rrezikuar në trafikun rrugor.
Policë të trafikut rrugor sot në Ferizaj ndaluan edhe shumë automjete, por kësaj radhe nuk ishte kontrollimi I tyre por shpërndarja ë fletushkave dhe dhënia e këshillave për siguri në komunikacion.
Përdorimi i rrugës duhet të përdoret në mënyrë sociale, që nënkupton se këmbësorët duhet respektuar vendkalimet për këmbësorë dhe vendet tjera të lejuara.
Gjithashtu edhe shoferët duhet të lëvizin konform rregullave të trafikut duke mos penguar pjesëmarrësit tjerë.
Çdo shkelje e rregullave të trafikut mund të kuptohet edhe si humbje e jetës.” Shkruhej në Ëeb faqen e Policisë së Kosovës
