Mot me diell dhe vranësira të pjesshme do të na shoqërojë gjatë këtyre pesë ditëve të ardhshme.
Sipas Institutit Hidrometeorologjik i Kosovës, si pasojë e depërtimit të masave të freskëta pasditen e së martës do të ketë ulje të temperaturave në dy vlerat ekstreme, transmeton Klan Kosova.
Temperaturat minimale do të lëvizin nga 2-7 gradë Celsius kurse maksimalet e ditës do të lëvizin nga 17 deri 27 gradë Celsius.
Temperatura të larta do të ketë vetëm ditën e hënë dhe më tej do të ulen në mënyrë graduale.
Do të fryjë erë nga drejtimi i jugperëndimit dhe verilindjes me shpejtësi 1-11m/s.
