Një rezultat i tillë kaq i ngushtë paralajmëron qeveri të dobët dhe jetëshkurtër, pa marrë parasysh kush e formon.
Sipas të dhënave zyrtare nga KSHZ-ja, VMRO-DPMNE e Nikola Gruveskit ka fituar rreth 15 mijë vota më shumë se LSDM-ja e Zaevit, respektivisht në mandate ky rezultat për përkthehet 51 me 49 deputetë, shkruan lajmi.net.
Pjesën tjetër të deputetëve në parlamentin prej 120 vendeve e përbëjnë 10 deputetë të BDI-së, pesë të BESËS, tre të Aleancës së Shqiptarëve dhe dy të PDSH-së.
Sipas këtij rezultati, çelësin për formimit e qeverisë së re në Maqedoni e kanë shqiptarët. Gruevskit o duhet edhe 10 deputetë në mënyrë që ta sigurojë shumicën e thjeshtë, kështu që ai duhet t’i përmbushë kërkesat e shqiptarëve, të cilët për herë të parë kanë mundësi të zgjedhin.
VMRO-DMPNE ka 10 vjet që bashkëqeverisë me BDI-në e Ali Ahmetit. Por nuk dihet se si do të veprojë kësaj here BDI-ja.
Ekziston mundësia që Gruevski dhe partia e tij të shkojnë në opozitë nëse brenda afatit të paraparë Kushtetues nuk arrin ta formojë qeverinë. Kjo do të ndodh nëse BDI-ja refuzon të shkojë në koalicion me VMRO-në. Por jo vetëm BDI-ja, por Gruveskin duhet ta refuzojnë edhe partitë tjera shqiptare, të cilat së bashku kanë 10 deputetë.
Nëse Gruveski dhe partia e tij nuk arrijnë që të formojnë qeverinë, atëherë do t’i vijë radha Zaevit dhe partisë së tij, LSDM, të cilën shqiptarët e kanë votuar me shumicë në këto zgjedhje. /Lajmi.net/
.
