Policia e Kosovës ka raportuar se dje në orët e pasdites në fshatin Ozrdrim të Vitomiricës në regjionin e Pejës, persona të panjohur kanë dëmtuar ish stacionin e Policisë me mjete të paligjshme, siç është eskavatori, kamioni e mjete të tjera, duke dëmtuar hapësirën publike dhe duke mbjell grurë.
“Është raportuar se persona të pa njohur në hapësirën publike ku ka qenë i vendosur ish stacioni policor kanë kryer punime të paligjshme me ekskavator, kamion e mjete të tjera, me ç’rast kanë dëmtuar ish objektin e stacionit dhe kanë hapur gropa të mëdha”, thuhet në raportin policor.
Sipas Policisë, një hapësirë prej 20 ari e kësaj prone është punuar dhe mbjell me grurë.
Lidhur me rastin janë njoftuar njësitet përkatëse komunale, si dhe prokurori. /kp
