Ndihmës Sekretarja amerikane e Shtetit, Victoria Nuland ka mbërritur në Tiranë rreth orës 14:30 të ditës së sotme në kuadër të vizitës së saj njëditore në vendin tonë.
Zyrtarja e DASH, e shoqëruar edhe nga ambasadori amerikan Donald Lu, i ka nisur takimet e saj me ministrin e Jashtëm, Ditmir Bushati në ambientet e Ministrisë së Jashtme.
Rreth orës 15:30 Nuland ka nisur takimin me kreun e opozitës, Lulzim Basha në ambientet e hotel ‘Rogner’.
Në fund të vizitës së saj Nuland do takohet me kryeministrin Edi Rama.
Në fokus të vizitës së zyrtares së DASH në tiranë do të jetë reforma në drejtësi, që tashmë është në ngërç për shkak të mosarritjes së një konsensusi mes mazhorancës dhe opozitës për pikën e vetme që i ndaj, ajo e vetingut.
