Në Europë pushtetin e kanë Parlamentet dhe në krye të shtetit disa vende kanë zgjedhur të ruajnë akoma traditën e vjetër, atë të monarkisë ku familja mbretërore nuk përfaqëson më pushtetin absolut, por është më shumë simbolike.
E nga këto familje mbretërore, ka nga ato që ruajnë me fanatizëm disa tradita të hershme, mes të cilave edhe ajo që një mbret nuk të zgjat dorën.
![](http://www.gazetaexpress.com/public/uploads/image/1459962507mbretiii_1459976030-8728807.jpg)
Një e tillë u ruajt edhe nga Mbreti norvegjez, Harald V. Ai ndodhet në Itali për një vizitë zyrtare. Gjatë pritjes, Matteo Renzi u mundua të tregohej sa më miqësor me mikun mbretëror dhe pas parakalimit tradicional i zgjati dorën, por përballë nuk gjeti të njëjtën gatishmëri.
![](http://www.gazetaexpress.com/public/uploads/image/9421419bbbc264e15289a9e03ccf2e7e_1459976024-617200.jpg)
Mbreti ‘refuzoi’ t’i zgjasë dorën të zotit të shtëpisë, por kjo nuk e pengoi kryeministrin italian që të vazhdojë me protokollin duke e ftuar monarkun në drejtimin të ambienteve ku do të zhvillohej takimi.
![](http://www.gazetaexpress.com/public/uploads/image/c9ade4db5e1f709167e254419c40f356_1459976014-8616062.jpg)