04,03,2024

Nesër hapen tregjet e kafshëve në Ferizaj

Must Read

Ferizaj.28.10.2016 . Pas 4 muajsh, Agjencia e  Ushqimit dhe Veterinarisë ka shfuqizuar vendimin për mbylljen e tregjeve të kafshëve në të gjitha komunat e  Republikës se Kosovës, i cili ishte marrë si masë preventive  për parandalimin e përhapjes së  sëmundjes gungore të lëkurës tek  kafshët e llojit të gjedhit.

14886062_10209023666327171_1113500113_n

Drejtori i Bujqësisë në Ferizaj,  Ismet Vranovci, tha se  pas imunizimit të kafshëve nuk është parë e arsyeshme që tregjet të mbesin të mbyllura.

“Që nga dita e nesërme  tregu në fshatin Muhoc do të hapet ndërsa edhe ai në fshatin Dardani do të hapet të dielën. Tashmë ka kaluar periudha e mbrojtjes apo imunizimit të kafshëve dhe nuk ka pasur asnjë element apo arsye që të jenë të mbyllura tregjet e kafshëve dhe unë i njoftoj fermerët që nuk do të kenë probleme me tregun pasi që do të jenë të hapura ato dhe  pronarët”,tha Vranovci.

Vranovci tha se sëmundja gungore e lëkurës nuk është eliminuar tërësisht. Sipas tij vaksinimi që mbron kafshët nga kjo sëmundje duhet të vazhdoj edhe në 2-3 vjetët e ardhshëm.

“Nuk mund të themi se sëmundja është eliminuar tërësisht, arsyeja e mos eliminimit të sëmundjes është sepse ky vaksinim duhet të vazhdoj edhe 2-3 vitet e ardhshme të cilin do ta organizojë Agjencia e Ushqimit kështu që Agjencioni ka premtuar se do të bëjë vaksinimin në dy vitet e ardhshme ndërsa sa i përket infeksionit apo përhapjes së sëmundjes tani më nuk ekziston kjo sepse ato kafshë të cilat janë vaksinuar ato vetëm e kanë fituar tashmë imunitetin e tyre”,shtoi Vranovci.

Qeveria e Kosovës, ka ndarë një fond mbi 1 milionë euro për  blerjen e vaksinave dhe kompensimin e  pronarëve që janë dëmtuar nga kjo sëmundje, ndërsa kompensimi ende nuk dihet se në çfarë forme do të bëhet, me mjete apo me kafshë. Sëmundja gungore e lëkurës gjatë kësaj periudhe vetëm në Ferizaj ka mbytur 100 lopë, ndërsa ka infektuar mbi 300 të tjera.

- Advertisement -spot_img
Të fundit

Arrestohet një person për falsifikim të parasë në Ferizaj 

Me datën 28.02.2024, rreth orës 23:00 policia e stacionit në Ferizaj ka pranuar një informacion se në një lokal,...

More Articles Like This

- Advertisement -spot_img