Faktorët që kanë përcaktuar këtë sjellje janë rënia e besimit konsumator dhe situata në tregun e pasurive të paluajtshme. Kërkesa për kredi është tkurrur edhe nga bizneset e mëdha.
Rënia e besimit te ekonomia ka tkurrur kërkesën e qytetarëve për të marrë kredi. Banka e Shqipërisë konstaton në raportin e Aktivitetit Kreditues se gjatë tremujorit të parë të këtij viti kërkesa e individëve për blerje banesash dhe për kredi konsumatore është ulur, ndryshe nga sa ishin pritshmëritë e sistemit bankar.
Banka Qendrore vlerëson se tkurrja e kërkesës është ndikuar nga rënia e besimit konsumator dhe situata në tregun e pasurive të paluajtshme. Përsa i përket bizneseve, sjella ka qenë jo e njëjtë. Ndërmarjet e vogla dhe të mesme kanë rritur kërkesën për kredi, si për investime, ashtu edhe për kapital qarkullues, ndërsa kompanitë e mëdha e kanë ulur atë.
Përballë nj ë kërkesë që ende shfaq oshilacione të forta, bankat kanë lehtësuar kushtet e dhënies së huave. Banka e Shqipërisë konstaton se ky lehtësim i standardeve, që vlen për bizneset dhe individët, është ndikuar nga konkurrenca në sistemin bankar, likuiditeti i tepërt dhe vendimet e Bankës së Shqipërisë për të ulur normën bazë të interesit për lekun.
Për tremujorin e dytë, parahsikohet rritje e kreditimit si në monedhën vendase, ashtu edhe në valutë. Gjithsesi gjithçka do të varet nga kërkesa, që është shndërruar aktualisht në një ndër elementet që po mban peng kreditimin.
The post Në Shqipëri, bien kërkesat për kredi appeared first on Lajminet.
