Jose Mourinho duket se e ka konfirmuar të ardhmen.
Sipas gazetarit spanjoll Guillem Balague, Mourinho është shprehur i bindur se cili do të jetë klubi i tij i ri.
Mësohet se Mourinho u ka treguar të afërmve dhe miqve të tij të ngushtë se punën te Unitedi e ka të siguruar, transmeton Gazeta Blic.
Njerët të afërt me Mourinhon kanë raportuar se gjithçka tashmë është punë e kryer, dhe pritet vetëm zyrtarizimi i portugezit te klubi nga ‘Old Trafford’.
53-vjeçari është i papunë që prej kur u shkarkua nga Chelsea në dhjetor, dhe spekulimet muajve të fundit kanë qenë të shumta se portugezi do të zëvendësojë Van Gaalin te United.
Mësohet gjithashtu se Mourinho po synon që të blejë shtëpi në afërsi të Manchesterit, dhe kjo është një shenjë se zyrtarizimi i portugezit me ‘Djajtë e Kuq’ është vetëm çështje kohe. /Gazeta Blic/
