Madje, të paktën me propozime vizuele po jepen edhe ide se si do të dukej në rast të lejes së rindërtimit, raporton klankosova.
I pari që e filloi këtë ide është Naser Gashi nga Mitrovica. Ai thotë se ideja për rindërtimin e xhamisë është se aty ka qenë e ndërtuar më parë një xhami.
Gashi ka filluar që fushatën ta zhvillojë në rrjetet sociale, derisa shpreson që ideja e tij të marrë formë.
“E pash vendin që e kishin gërmuar këtu punëtoret dhe më shtyri që të bëjë një fushatë, duke qenë se aty ka qenë xhamia e Ibrit”, thotë Gashi.
Edhe qytetarët e Mitrovicës janë të pajtimit që afër Urës së Ibrit të rindërtohet xhamia.
