Erjon Selimaj prej më shumë se dy orësh qëndroi mbi vinç duke kërcënuar se do të vetëhidhej, dhe shkak për këtë vendim ekstrem të tijin, ishin bërë kushtet e vështira të jetës dhe mungesa e vëmendjes së shtetit.
Një skenë e rëndë terrorizoi të afërmit, policinë dhe median e mbledhur rreth zonës ku 26-vjeçari kërcënonte me vetëvrasje, pasi në një moment ai u mbajt në vinç vetëm me një dorë duke rrezikuar seriozisht jetën e tij. Erjoni i ka prindërit e divorcuar dhe është shprehur më herët në media se dhuna që i ati ushtronte ndaj nënës së tij e detyruan të largohet nga shtëpia dhe të rritet në jetimore.
“Jam jetim, shteti më ka hedhur në rrugë. Dua ndihmë nga shteti” – shprehej ai nga lartësia.
Ai bëri edhe një apel ndaj kryetarit të Bashkisë së Vorës Dritan Leli dhe drejtësisë shqiptare, e cila duke se e ka dënuar për dhunë ndaj babait.
“Nuk e kam rrahur babain. Të mbyllet dosja gjyqësore. Dritan Leli i Bashkisë së Vlorës më ka mbyllur derën. Nuk dua të shkoj në burg. Dua të punoj e të mos vjedh”” – u shpreh Erjoni ndërsa kërcënonte të hidhej.
Për rastin, reagoi edhe kryebashkiaku Leli i cili tha për mediat se po njihet me historinë e djalit duke garantuar njëherësh se do të bëjë çmos që ta ndihmë Erjonin.
Në vendngjarje ishin forca të shumta të policisë si edhe ato zjarrfikëse.
.
