Zëvendësministri i Jashtëm i Kosovës, Valon Murtezaj, ka deklaruar se kryeministri serb Alaxandar Vuçiq, gjatë qëndrimit të tij në Kosovë, është treguar i paemancipuar.
“Kryeministri i Serbisë u tregua ashtu si është, i paemancipuar dhe destruktiv. E kemi këtë fat të pafat me kojshinë verior”, ka shkruar Murtezaj.
Postimi i plotë i tij:
Ke dhe shkoj. Kah i ke qit gishtat, tash i qet thembrat, thotë populli.
Kosova, dhe gjithçka e saj, mbet ashtu e kujt është, e qytetarëve të Republikës së Kosovës.
Kryeministri i Serbisë u tregua ashtu si është, i paemancipuar dhe destruktiv. E kemi këtë fat të pafat me kojshinë verior.
Sa më pak me u marr me deklaratat e kryeministrave të Serbisë, më e shëndetshme është për politikën dhe zhvillimet e përgjithshme në Kosovë.
Sa më mirë i kemi/i bëjmë punët brenda në Kosovë – dhe kjo varet nga ne, në radhë të parë nga qeveria por edhe nga të gjithë aktorët politikë në Kosovë – aq më të parëndësishme bëhen fjalët gënjeshtra dhe sjelljet destruktive të fqinjit tonë verior.
