Policia e Kosovës bënë të ditur se ky ligj do të kontribuoj në një siguri më të madhe në komunikacion.
“Policia e Kosovës apelon tek të gjithë pjesëmarrësit në komunikacion që të iu përmbahen rregullave që dalin nga ligji mbi komunikacionin rrugor ne mënyre që të iu shmangen aksidenteve në trafik, e gjithashtu në këtë mënyre te kontribuojnë edhe për një siguri më të madhe për të gjithë pjesëmarrësit ne komunikacion.”
Ndërsa, njohësi i ekonomisë Arif Elshani, cmimet që burojnë nga ky ligj janë të papërballueshmë për qytetarët e vendit.
“Unë mendoj që ligji ka të mirat e veta, por ka edhe negativitetin e që për momentin ndoshta jemi duke u marrë me atë që gjobat janë aq të mëdha sa një punëtor i joni si në sektorin publik ashtu edhe atë privat e ka problem që ta ballafaqoj atë cmim”, u shpreh Elshani për Tribunachannel.
Për KMDLNJ-në efektet do të jenë në kundërshtim me të priturat nëse ky ligj mbetët i tillë sic është mund të ketë efektet afatshkurtra, por pasojat afatgjate.
“Ky ligj mund dhe do të rris korrupsionin e policëve të trafikur rrugor sidomos nëse kemi parasysh rrogat e ulta të policisë”, thuhet në deklaratën e KMDLNJ-së.
Implementimi i këtij ligji ka përqellim zvogëlimin e aksidenteve në trafik ku në vendin tonë janë të shpeshta. Me ligjin e ri gjobat për shkeljen e rregullave në komunikacion shkojnë deri në 900 euro. /Lajmi.net/
