Organizohet tryezë diskutimi me temë dhe vizion të ngritjes së kapaciteteve te hoteleve në Ferizaj. Kjo ngjarje u realizua sot nga Drejtoria e Zhvillimit Ekonomik dhe Turizmit, duke sjellë së bashku drejtuesit e hoteleve dhe bujtimave të komunës së Ferizajt.
Në këtë mbledhje, drejtori i Drejtorisë sw Zhvillimit Ekonomik dhe Turizmit, Balton Derguti, ka shprehur përkushtimin e tij, të patundur për të ndihmuar në rritjen e kapaciteteve profesionale të drejtuesve të gastronomisë në Ferizaj.
Ndërsa Hysen Sogojeva, një profesor universitar në fushën e turizmit dhe kryetar i Odës së Hotelerisë dhe Turizmit të Kosovës, ndau njohuritë e tij të thella dhe përvojën e pasur me një ligjëratë frymëzuese. Ai ofroi këshilla të vlefshme dhe strategji profesionale për të ndihmuar në ngritjen e kapaciteteve të plotë të hoteleve të Ferizajt, duke shndërruar këtë qytet në një destinacion tërheqës dhe të kënaqshëm për të gjithë vizitorët.
