Mbahen punëtori që fuqizojnë rolin e komuniteteve pakicë në shoqëri

Duke e parë gjendjen jo të më mirë në të cilën ndodhen komunitetet pakicë kudo në Kosovë e edhe në Ferizaj, organizata të shoqërisë civile , pjesëtarë të këtyre komuniteteve dhe strukturat komunale të Ferizajt kanë mbajtur sot punëtorinë e radhës. Këto aktivitete mundësojnë që të gjithë akterët vendimmarrës të njihen me legjislacionin që ua garanton të drejtat e tyre.
Sakibe Jashari zyrtare e projektit, ROMACTED dhe Bashkim Ibishi bashkëpunëtorë në këtë projekt thonë se është trashëguar një gjendje jo e mirë e komuniteteve rom, ashkanli dhe egjiptas ndër vite edhe në Ferizaj , prandaj duhen më shumë përpjekje që të fuqizohet roli i tyre në shoqërinë kosovare.
“Shkollimi , punësimi , shëndetësia dhe banimi janë ndër 4 prioritetet që janë listu në strategjinë nacionale, të cilat kërkojnë më shumë vëmendje , prandaj ne jemi këtu që të informojmë edhe strukturat komunale por edhe komunitetin për ndonjë mobilizim më të mirë në kapërcimin e këtyre vështirësive ” pohoi zyrtarja e projektit Sakibe Jashari.
Aktivitetet për planifikimin strategjik lokal u tha se do të vazhdojnë deri në vitin 2020 nëpër disa komuna të Kosovë , ndërsa u bë thirrje që të zbatohen ligjet në fuqi që garantojnë më shumë të drejta për komunitetet pakicë, në mënyrë që të zbutet gjendja e rëndë në të cilën jetojnë ata.