Sinoptikët nga Drejtoria për Punë Hidro-meteorologjike në Maqedoni, (DPHM) paralajmërojnë mot jostabil nga pasditja e së enjtes deri të premten.
Era do të fryjë nga veriu me shpejtësi deri në 90km në orë, e shoqëruar me shi të rrëmbyeshëm dhe vetëtima, transmeton Zhurnal.
Rrymat ajrore që do të vijnë nga veriu do të shkaktojnë ulje të temperaturës për 10 gradë në krahasim me ditët paraardhëse.
Nga DPHM nuk saktësojnë nivelin e reshjeve apo vendin e saktë,. por bëjnë thirrje të shmanget qëndrimi në vende të hapura dhe nën pemë të vetmuara, për shkak të numrit të lartë të shkarkimeve elektrike që priten këto ditë.
Gjatë fundjavës moti do të stabilizohet dhe do të ketë rritje të temperaturës.
.
