Partitë dinë që t`i keqpërdorin ato tema emotive gjatë zgjedhjeve, si kontesti i emrit me Greqinë. Ky ndoshta është momenti më i keq për t`u ngritur ajo çështje, konsideron diplomati maqedonas, profesori universitar Denko Maleski, në një intervistë për Radion Evropa e Lirë.
“Ne do të dëshironim të besonim se ky është momenti i duhur, por asgjë nuk tregon faktikisht se kjo është kështu, pasi që ndoshta kishte momente në historinë politike të Maqedonisë në fillim, kur demokracia ende nuk ishte konsoliduar, disa njerëz si kryetari kanë mundur që t`i marrin mbi supe disa vendime më të rëndësishme rreth kësaj çështjeje.
Megjithatë tani jetojmë në një proces plural, me parti të ndryshme politike që kanë pikëpamje të ndryshme dhe të cilat dinë që t`i keqpërdorin ato tema emotive gjatë zgjedhjeve, kjo ndoshta është momenti më i keq për t`u ngritur ajo çështje.
Megjithatë, kalimi nga pushteti autokratik në demokraci, ku do të respektohen qëndrimet e partive të ndryshme, që paraqesin segmente të ndryshme të shoqërisë rreth të gjitha çështjeve, edhe për çështjen e emrit, është mënyra për të ardhur deri te uniteti në shtet për t`u zgjidhur problemi dhe Maqedonia të bëhet pjesë e strukturave euro atlantike”, tha Maleski, transmeton TatovaSot.
