25,06,2024

Ky është Hashim Thaçi i LDK-së

Must Read

thaci-030416_2288

Emrin e mbajnë të njëjtë por nga pikëpamjet e tyre politike dallojnë shumë. Është ky Hashim Thaçi, i LDK’ së, i cili mban emrin e njëjtë me ish-kreun e PDK-së, tanimë president në ardhje.

Emrin që mban Hashim Thaçi i LDK’së, thotë se më shumë ia ka parë sherrin se sa “hajrin”. Sherrin më të madh, emrit që mban ia pa para luftës dhe gjatë luftës në Kosovë, ku shpesh herë i ishte rrezikuar edhe jeta e tij. Ai tregoi se letërnjoftimin nuk kishte guxuar ta merrte asnjëherë me vete, pasi që i figuronte emri Hashim Thaçi.

“Më kujtohet kur është dënuar si student dhe u shua rilindja, atëherë të gjithë mendonin që unë jam ai Hashim Thaçi. Nuk kaloj shumë kohë dhe ajo u kuptua, sepse edhe unë kam qenë një prej atyre në ekstrem që kemi qenë kundër pushtetit. Në kohën e luftës, letërnjoftimin as që e merrja me vete sepse si e shihnin emrin Hashim Thaçi, këta vetëm e lypnin, kaloj edhe ajo….. Çdoherë është dashur të ruhem, të mos e tregoj letërnjoftimin në kohën e bombardimeve dhe të luftës. Kurrë nuk kam guxua me marrë letërnjoftimin, jam frikësuar me pas letërnjoftimin e Hashim Thaçit se Hashim Thaçi ka qenë i ndjekur”, tha ai.

Falë emrit që mban, Hashim Thaçi i LDK-së, kishte shpëtuar nga dënimi i policisë disa herë. Kur Policia e Kosovës kishte dashur ta dënonte për parkim pa leje, me të parë emrin e tij, ata ia kishin falur dënimin.

Në një rast tjetër, po ashtu me Policinë e Kosovës, Thaçi tregon se gjithashtu kishte shpëtuar nga dënimi falë emrit të tij.

Për gjendjen aktuale politike në Kosovë, Hashim Thaçi i LDK’së tha se nuk po sheh zgjidhe. Ai tha se u takon partive në pozitë dhe opozitë që të lëshojnë pe dhe të punojnë për popull, e jo për interesa personale. Ai gjithashtu tha se me disa deklarata thumbuese për opozitën të cilat i ka bërë kreu i partisë së tij, njëherësh dhe kryeministër i vendit, Isa Mustafa nuk është i kënaqur.

Por sa i përket emrit të tij të cilin mban, ai tha se shpesh herë i kanë thënë ta ndërrojë, por ky kishte vendosur ta mbante, pasi që ishte edhe më i madh në moshë dhe e kishte më herët.

Hashim Thaçi i LDK’së është njëri ndër themeluesit e degës së tretë të Presidentit Ibrahim Rugova në Lidhjen Demokratike të Kosovës./KosovaPress/

- Advertisement -spot_img
Të fundit

Miratohet Korniza Afatmesme Buxhetore për vitin 2025-2027

Këtë të enjte është mbajtur mbledhja e Kuvendit të Komunës e kryesuar nga Kryesuesi i Kuvendit të Komunës, Xhavit...

More Articles Like This

- Advertisement -spot_img