Ferizaj.09.11.2017.Të enjten numri një i qytetit të Ferizajt, Muharrem Svarqa, ka pritur në një takim humanistin italian, Don Sandro Shaboleta, i cili është edhe Qytetar Nderi i Komunës së Ferizajt. Në takimin që zhvilloi kryetari Svarqa, ishte i pranishëm edhe Alberto Micheletti, drejtori i Shëndetësisë dhe Mirëqenies Sociale, dr. Burim Karameta si dhe mysafirë të tjerë.
Gjatë këtij takimi kryetari i komunës së Ferizajt, Muharremi Svarqa, ka falënderuar humanistin Don Sandro Shaboleten për gjithçka që ka bërë për qytetin e Ferizajt, gjatë këtyre viteve të bashkëpunimit.
Kryetari Svarqa tha se prej fillimit të bashkëpunimit që ka komuna e Ferizajt me humanistit Don Sandro Shaboleta janë mjekuar 85 fëmijë dhe 44 paciente të rritur në Itali, që shumica prej tyre kanë qenë nga qyteti ynë.
E nga ana tjetër edhe humanisti Don Sandro Shaboleta, ka thënë se bashkëpunimi me komunën e Ferizajt, do të vazhdojë edhe në të ardhmen dhe do të përkrah gjithçka që është nevoja.
Temë diskutimi e këtij takimi ishte vazhdimi i bashkëpunimit që ka Komuna e Ferizajt me humanistin italian si dhe gjetja e modaliteteve të reja për shkëmbimin e studenteve nga Ferizaj për t’i kryer studimet e tyre në Itali.
