Shtime, 9 janar 2017 – Në prag të shënimit të përvjetorit të tetëmbëdhjetë të Masakrës së Reçakut, Kryetari i Komunës së Shtimes, z. Naim Ismajli, në ambiente familjare priti ambasadorin z. William Walker.
Kryetari Ismajli dhe ambasadori Walker, diskutuan edhe për organizimin e shënimit të përvjetorit të Masakrës së Reçakut, ndërsa në shenjë respekti, kryetari Ismajli ndau edhe një falënderim të veçantë për ambasadorin.
Me rastin e 18-të vjetorit të Masakrës së Reçakut, më datë 14 janar 2017, në fshatin Reçak, do të zbulohet shtatorja për ambasadorin Walker.
