Në fjalën e mbajtur në këtë konferencë për shtyp Kryeministri Kılıçdaroğlu tha se ”Turqia është një shtet i së drejtës dhe në këtë kuadër çdo gjë do të vihet në rrugë me anë të sistemit të drejtësisë. Ata të cilët bëjnë gabime gjatë këtij procesi do ti dorëzohen drejtësisë së vendit. Më pas drejtësia do të bëjë punën e vet. Askush nuk mund të kryejë ndërhyrje të dhunshme apo të jetë në një ndjenjë për të marrë hak pasi kjo është e papranueshme.”
“Asnjë grusht shteti gjatë gjithë historisë së Turqisë nuk ka qenë kaq i poshtër sa ai i 15 korrikut. Asnjë grusht shteti nuk është drejtuar nga një tradhtari me pamje imami. Në asnjë grusht shteti nuk është gjuajtur drejt popullit. Në asnjë grusht shteti nuk është gjuajtur nga ajri drejt civilëve. Në asnjë grusht shteti nuk është goditur godina e Parlamentit” është shprehur Kryeministri Yıldırım.
Yıldırım në fjalën e tij tha se ka informuar Kılıçdaroğlu me pasojat e tentativës për grusht shteti të FETÖ-s më 15 korrik. Ai ka dhënë detaje mbi marrjen nën kontroll të informacioneve nga forcat e sigurisë dhe ka theksuar se ajo që fitoi ishte demokracia.
Duke falënderuar liderin e opozitës për qëndrimin e tyre, Yıldırım më pas ka theksuar se është i lumtur që partitë politike ishin në një qëndrim të tillë.
Kryeministri Yıldırım ka thënë gjithashtu në fjalën e tij se zbritja e popullit në rrugë ju ka dhënë një ndihmesë të madhe për të mposhtur këtë sulm të poshtëruar.
Ndërkohë duke cituar disa publikime në rrjetet sociale, Kryeministri Yıldırım u shpreh: ”Për disa publikime që janë bërë në rrjetet sociale ne jemi shumë të ndjeshëm dhe do të merren masa për këtë gjë. Ata të cilët abuzojnë me detyrën do të marrin dënimin e merituar. Sot është dita e bashkimit dhe kemi nevojë për këtë. Kemi nevojë të zgjerojmë vëllazërinë.”
Kryeministri i Turqisë e ka cilësuar 15 korrikun si ”dita e festës së demokracisë”. Ai ka theksuar se Turqia ka kaluar nga një periudhë e vështirë, por më në fund ai që fitoi ishte populli i Turqisë. Ai falënderoi Kılıçdaroğlu-n për solidaritetin me ngjarjet e fundit.
Ndërsa lideri i CHP, Kılıçdaroğlu në fjalën e tij ka theksuar:
“Unë kam qenë i shqetësuar për disa gjëra dhe të gjitha ato ia kam vënë në dukje Kryeministrit. Në veçanti, unë vura në dukje parregullsinë e dhunës kundër ushtarëve dhe kam thënë se këto raste duhet të hetohen. Angazhimi ynë është që të punojmë së bashku për të kapërcyer tensionet në shoqëri.”
.
