Kryeministri i Islandës ka thënë se ai nuk ka dhënë dorëheqje, por thjesht është distancuar për një periudhë kohore, sipas një njoftimi për shtyp nga zyra e tij.
Të martën , dy ditë pas publikimit të “Panama Papers”, aferë financiare në të cilin kryeministri i Islandës, David Gunnlaugsson, ishte i përfshirë, u përhap lajmi se kryeministri kishte dhënë dorëheqjen.
Por kjo u kundërshtua në një deklaratë për shtyp nga sekretarit i tij. Deklarata thotë se Gunnlaugsson kishte sugjeruar se zëvendës-kryetar i Partisë Përparimtare duhet të marrë përsipër detyrën e kryeministrit për “një sasi të papërcaktuar të kohës”, raporton Independent.
“Kryeministri nuk ka dhënë dorëheqje dhe do të vazhdojë të shërbejë si kryetar i Partisë Progresive,” thuhet në deklaratë.
Olafur Ragnar Grimsson, president i Islandës, ende nuk ka konfirmuar ndonjë ndryshim në udhëheqje.
