Klubi i pingpongut “Gani Maloku” nga Ferizaj është anëtar i ri i Superligës së Kosovës.
Puna e palodhshme dhe profesionale e trajnerit Yll Maloku dha frytet e veta.
Një sukses i madh për këtë klub që ka shumë talente.
“Sot përfunduam kampionatin e ligës së parë ku arritëm të shënojmë fitore në të gjitha takimet që kishim gjatë gjithë sezonit (14:0) dhe kështu u futëm në ligën elitare të Kosovës Superligë.
Ky sukses i dedikohet qytetit të Ferizajt, djemve të këtij klubi që dhanë maksimumin për arritjet, DKRS-së dhe donatorëve që na përkrahën gjatë tërë kohës!
Suksese në Superligë”, njofton klubi i pingpongut “Gani Maloku”.
