Inspektorati Policor i Kosovës do të nënshkruaj protokollin për inspektim të përbashkët me Shërbimin për Çështje të Brendshme dhe Ankesa të Shqipërisë.
“Ky nënshkrim i protokollit të inspektimit të përbashkët është vazhdimësi e aktiviteteve në kuadër të Memorandumit të mirëkuptimit për bashkëpunim në fushën e kontrollit të brendshëm dhe mbikëqyrjes policore, të nënshkruar nga Ministrat e Brendshëm të Republikës së Kosovës dhe Republikës së Shqipërisë në marsin e vitit të kaluar”, thuhet në komunikatën për media të IPK-së.
Nënshkrimi i protokollit për inspektim të përbashkët do të bëhet në ambientet e IPK-së – sallën e konferencave nga Kryeshefi Ekzekutiv i IPK-së Fitim Shishani dhe Drejtori i Përgjithshëm i SHÇBA-së, Arben Skendo.
