Sonte vashat e Kombëtarës U17 na bënë krenar në Shkupin historik pasi në debitimin e tyre në EURO 2017 të Divizionit B mposhtën Kombëtaren e Islandës me rezultat 26:25 (16:12) pas një loje të shkëlqyeshme sidomos në pjesën e parë.
Vashat e trajnerit Faruk Shala dhe mentorit të tij Florent Beqiri dhe trajneres Shqipe Tahiri vërtet sonte dhan maksimumin, dhe kishte raste kur edhe u alivanosën në duele të ashpra duke mos kursyer as veten. Falë angazhimit të mjekes Erlinda Hakaj u rehabilituan dhe pastaj në terren dhanë atomin e fundit për fitore.
Në radhët e Kosovës shkelqyen portierja fantastike Leunita Gashi pastaj lojtarja e ndeshjes e shpallur nga juria e Kampionatit Sara Rexhepi si dhe motra e sajë e palodhshme Rina Rexhepi, Hana Hoti energjike, kapitenja Arrita Kursani vetmohuese sikur edhe lojtaret e krahut Bleona Abdullahu dhe Fatjona Rexha.
Nesër Kosova në ora 19:00 ballafaqohet me Sllovenin.
Must Read
- Advertisement -
More Articles Like This
- Advertisement -