Nënkryetarja e Kuvendit të Kosovës, Arbërie Nagavci, ka thënë se emrat e ministrave të Qeverisë Kurti, e cila pritet të votohet të hënën në Kuvendin e Kosovës tashmë janë bërë të ditur.
“Emrat e propozuar nga VV tashmë publiku i di. Albin Kurti ka kohë tashmë që i ka bërë të ditur emrat”, ka thënë Nagavci pas mbledhjes së Kryesisë së VV-së.
Kryetari i Vetëvendosjes Albin Kurti dhe ai i LDK-së Isa Mustafa sot zyrtarizuan marrëveshjen për bashkëqeverisje, duke treguar se nga 12 ministri sa ishin marrë vesh fillimisht, qeveria e re do të ketë 15 ministri.
Nga 15 ministri, dy partitë do të kenë nga gjashtë, ndërsa tri do t’u takojnë minoriteteve. Albin Kurti do të jetë kryeministër, ndërsa zëvendëskryeministra do të jenë Avdullah Hoti i LDK-së dhe Haki Abazi i VV-së.
Këta janë 12 emrat që pritet të votohen të hënën për ministra:
VV:
Ministria e Punëve të Jashtme – Glauk Konjufca
Ministria e Drejtësisë – Albulena Haxhiu
Ministria e Financave – Besnik Bislimi
Ministria e Ekonomisë – Rozeta Hajdari
Ministria e Shëndetësisë – Arben Vitia
Ministria e Integrimeve Evropiane – Blerim Reka
LDK:
Ministria e Punëve të Brendshme – Agim Veliu
Ministria e Infrastrukturës – Lumir Abdixhiku
Ministria e Bujqësisë – Besian Mustafa
Ministria e Arsimit – Hykmete Bajrami
Ministria e Kulturës, Rinisë dhe Sportit – Vlora Dumoshi
Ministria e Mbrojtjes – Anton Quni
