28,03,2024

Këta do të jenë prorektorët e rinj politikë, të Universitetit të Prishtinës!

Must Read

universiteti-i-prishtines_6594

 

Universiteti i Prishtinës së shpejti do të kompletohet edhe me emrat e prorektorëve. Gazeta Blic ka marrë vesh se tashmë rektori i ri i UP-së, Marjan Dema është përcaktuar për emrat e zëvendësve të tij.

“Tashmë dihen emrat e katër prorektorëve të rinj. Ende nuk dihet se kush do të jetë prorektori i pestë. Të gjithë prorektorët janë të afërt të partive politike”, ka thënë ky burim i Gazetës Blic.

Sipas këtij burimi, njëri nga prorektorët do të jetë, Afrim Hoti, profesori i shkencave politike. Afrim Hoti ishte anëtar i Aleancës Kosova e Re.

Në zgjedhjet e fundit parlamentare, Hoti ishte kandidatë për deputet, por që kishte dështuar keq, duke mos marrë më shumë se 2 mijë vota. Hoti, ishte edhe këshilltar politik i ish- ministrit të Zhvillimit Ekonomik, Fadil Ismajli, i cili vinte nga radhët e AKR-së.

Hoti sipas burimeve të Gazetës Blic, konsiderohet i afërt me PDK-në. Ai kishte qenë edhe këshilltar i deputetit Rrustem Mustafa, gjatë kohës sa ky i fundit ishte kryetar i Komisionit Parlamentar për Punë të Brendshme dhe Siguri.

Emër tjetër i cili pritet të vij në postin e prorektorit, është Myrvete Badivuku. Edhe Badivuku ishte kandidate për deputete nga radhët e Lidhjes Demorkatike të Kosovës. Badivuku aktualisht është profesoreshë në Fakultetin Ekonomik të UP-së, dhe siç merr vesh Gazeta Blic është e afërt me Isa Mustafën.

Në postin e prorektorit nga një “përfaqësues” do ta kenë edhe PDK e AAK.

Gazeta Blic merr vesh se ish- kandidati për rektor, Naser Sahiti i cili është i afërt me PDK-në, do të vij në postin e prorektorit.

Edhe profesori tjetër, Shemsedin Dreshaj i cili konsiderohet i afërt me AAK-në, do të jetë njëri nga pesë zëvendësit e Marjan Demajt.

“Më së largu, deri të premten do të kompletohet menaxhmenti i Universitetit të Prishtinës”, tha ky burim i Gazetës Blic.

Gazeta Blic ka raportuar se edhe rektori Marjan Dema, ka qenë pjesë e politikës. Ai ishte kryetar i PSHDK-së, dhe ishte në koalicion me PDK-në e Hashim Thaçit./ Gazeta Blic

 

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img