Fjalëkalimet e kompjuterëve nuk duhet të ndërrohen shpesh sepse ata i bëjnë përdoruesit më pak të sigurt në internet, ka paralajmëruar një ekspert kibernetik.
Paul Edmonds, shefi i teknologjisë në National Cyber Crime Unit, tha se ishte një gabim i përhapur nga industria e sigurisë se fjalëkalimet duhet të ndryshohen vazhdimisht.
Edmonds thotë se ndryshimi i fjalëkalimeve është një “gabim i madh”, transmeton Gazeta Express.
Duke folur në konferencën e sigurisë dhe kundër-terrorizmit në Londër, ai tha se ndryshimi i fjalëkalimeve i ka bërë përdoruesit “më pak” të sigurt.
Ai tha: “Nuk duhet t’i ndryshoni fjalëkalimet çdo muaj. Në fakt është më pak e sigurt nëse e bëni”.
