Pas arrestimit, policia shpërndan edhe filmime dhe aksionin e kapjes, ndërsa tashmë është e qartë se organizatorët, “peshqit e mëdhenj” janë të paprekshëm. Policia shpërndau sot pamjet e arrestimit të dy personave që transportonin 32 kg kanabis. Një 21 vjeçar nga Kavaja dhe një 31 vjeçar nga Durrësi ranë në rrjetën e policisë, në Qafë-Botë të Sarandës. Makina iu kontrollua me qen antidrogë për të gjetur disa pako të mbështjella me natriban. Shikoni videon më poshtë.
Kapen 32 kilogram
Për të fshehur dështimet e mëdha, komunikata e policisë është e mbushur me bllokimin e dozave të hashashit në Tiranë.
- Më datë 10.10.2016, u arrestua shtetasi Denis V., 29 vjeç, banues në Tiranë, në rrugën e “Konferenca e Pezës”, i’u gjetën dhe sekuestruan në cilësinë e provës materiale 3 doza me lëndë të dyshuar narkotike të llojit Cannabis Sattiva. Parashikuar nga Neni 283/1 i Kodit Penal.
- Më datë 10.10.2016, u arrestua shtetasi K. S., 17 vjeç, banues në Tiranë, në sheshin “Nënë Tereza”, tek shkallët e Univeristetit të Politeknikut, i’u gjet dhe sekuestrua në cilësinë e provës materiale një dozë me lëndë të dyshuar narkotike të llojit Cannabis Sattiva. Parashikuar nga Neni 283 i Kodit Penal.
- Më datë 10.10.2016, u arrestua shtetasi Aleksander K., 22 vjeç, banues në Tiranë, në rrugën “Medar Shtylla”, i’u gjetën dhe sekuestruan në cilësinë e provës materiale 3 doza me lëndë të dyshuar narkotike të llojit Cannabis Sattiva. Parashikuar nga Neni 283 i Kodit Penal.
.
