Shkruan: Dr. Agon F. Bislimi
Kanceri i qafës së mitrës është i zakonshëm te gratë e moshës 30-50 vjeçare.
Faktorë rreziku për paraqitjen e kancerit të qafës së mitrës janë inflamacionet e qafës së mitrës,sëmundjet që transmetohen nëpërmjet marëdhënieve seksuale dhe shtatëzënësitë e shumëfishta.
Qelizat kanceroze e marrin origjinën nga epiteli që mbulon majën e qafës së mitrës.
Këto qeliza kanceroze mund të ekzaminohen duke marrë një kampion nga qafa e uterusit apo mitrës.
Kjo procedurë njihet si testi i Papanikolaut ose Pap testi dhe është një nga mënyrat më të efektshme për të dalluar ndryshimet patologjike të qelizave të qafës së mitrës apo uterusit.
Ekzaminimi për diagnostikimin e kancerit të qafës së mitrës këshillohet të bëhet nga çdo grua, një herë në vit. /Dr. Agon F. Bislimi
