Lajmi i bujshëm i mediave ndërkombëtare që zbuloi emra të politikanëve botërorë dhe figurave publike që fshehin paratë në Panama për të shmangur detyrimet nga taksat, ka nxjerrë në pah se në këto lista të bëra publike janë edhe personazhe shqiptarë.
Bëhet fjalë për dy kompani nga Shqipëria që kanë fshehur paratë në Panama, vend që konsiderohet si parajsë fiskale për shkak të kompanive off-shore që nuk bëhet deklarimi.
Mësohet se janë 3 përfitues dhe 22 pronarë aksionesh, pjesë e listave të zbuluara nga mediat e huaja. Ajo që nuk dihet ende, janë emrat e shqiptarëve që kanë fshehur paratë në Panama, identiteti i të cilëve nuk është bërë ende publik.
Lajmi i politikanëve botërorë që kanë fshehur miliardat në Panama po bën bujë në të gjitha mediat ndërkombëtare, ku përveç politikanëve u zbuluan edhe 38 mijë kompani nga e gjithë bota.
