Para disa vitesh i ka dhënë lamtumirën Kombëtares së Shqipërisë, ndërsa tashmë Armend Dallku varr këpucët në gozhdë duke mbyllur përfundimisht karrierën si futbollist.
Dallku ka luajtur 64 ndeshje me Kombëtaren e Shqipërisë ndërsa tashmë i ka dhënë lamtumirën edhe ekipit ukrainas të Vorsklas.
Një dekadë të plotë veshi fanellën e Vorsklas duke e udhëhequr drejt suksesit të Kupës së Ukrainës në edicionin 2008-09, duke kontribuar në plot 290 ndeshje kampionati por edhe në shumë të tjera në Kupa kombëtare dhe europiane duke u bërë lojtari i parë te ky ekip që i kalon 300 takime zyrtare.
