Opozita pret që presioni tani të jetë ndaj liderit të VMRO-DPMNE-së, Nikolla Gruevski, meqë edhe Komisioni Evropian edhe bashkësia ndërkombëtare gjatë periudhës së kaluar e kanë përmendur qartë Qeverinë si fajtor të drejtpërdrejtë për krizën politike në vend.
Qëndrimin e njëjtë e kanë edhe në VMRO-DPMNE, por shtojnë se për krizën është fajtore opozita.
Bashkimi Evropian dërgoi porosi të ashpra për Maqedoninë. Brukseli kërkon implementimin e plotë të vërejtjeve nga raporti i Pribes – departizim të administratës, media të lira dhe reforma në gjyqësor.
Ndërkombëtarët kërkojnë zbatim të Marrëveshjes së Përzhinës dhe respektim të plotë të Prokurorisë Speciale Publike. Pas Haindl, në vend më 11 korrik pritet të qëndrojë edhe sekretarja shtetërore e SHBA-së Viktoria Nuland, me çka pritet presion i shtuar për rrugëdalje nga kriza politike.
.
